Bordi i Radiotelevizionit të Kosovës sot ka mbajtur mbledhjen e radhës, në të cilën sipas njoftimit zyrtar, u shqyrtua lista përfundimtare e renditjes së kandidatëve për pozitën e drejtorit të përgjithshëm të RTK-së.
Po ashtu, Bordi shqyrtoi edhe veprimet e mëtejshme procedurale që lidhen me këtë proces.
Me 9 vota pro dhe asnjë abstenim, Zana Spahiu është zgjedhur Drejtoreshë e Përgjithshme e RTK-së.Zana Spahiu është e njohur edhe si bashkëshortja e aktorit të njohur kosovar, Fatmir Spahiu, i njohur për publikun me nofkën artistike “Bufi”.
Fatmir Spahiu është një nga aktorët dhe humoristët më të njohur në Kosovë. Ai ka ndërtuar karrierën e tij përmes roleve të shumta në teatër, televizion dhe film, ndërsa famën më të madhe e fitoi me interpretimin e personazhit “Bufi”, emër me të cilin vazhdon të identifikohet nga publiku.
