Nga Bahri Çani:
Ekspertët e Institutit për Çështje Ndërkombëtare thonë se Evropa duhet të përgatitet për një përshkallëzim të mëtejshëm të konfliktit me Rusinë. Në të ardhmen pritet një rritje e madhe e shoqërimit të anijeve cisternë të flotës ruse në Detin e Veriut dhe Detin Baltik.
Sipas analizave “një përshkallëzim i mëtejshëm i konfliktit me Rusinë në rajonin e Detit Baltik është i pashmangshëm”. E një prej shkaqeve të përshkallëzimit të raporteve janë edhe sanksionet e fundit të BE-së kundër eksporteve të gazit dhe naftës ruse.
Në të njëjtën kohë, Rusia vazhdon të armatoset në rajonin e Detit Baltik. Eksperti Helge Adrians thotë se kjo është vërejtur në ujërat e brendshme të Liqenit Ladoga pranë Shën Petersburgut në Rusi.
Njëkohësisht Danimarka ka shtrënguar kontrollet kundër të ashtuquajturave cisterna në hije, me porosi nga Rusia.
Lundrimet e cisternave të dyshimta dhe pengimet e tyre, si dhe lëvizjet e tjera mund të përshkallëzojnë edhe më shumë në muajt në vijim, e kjo mund të shkaktojë probleme serioze, që mund të çojnë edhe në indicente, thonë ekspertët.
