Dritan Goxhaj ka deklaruar në një emision televiziv se ish komandanti Ruzhdi Saramati, e ka vrarë në maj të vitit 1999 ushtarin e tij nga Landovica për një arsye banale.
“Ushtari kishte dalë me shokë nga kampi i UÇK-së në Burrel për argëtim, ishin të rinjë, 18-19 vjeçar, nuk dinin për rend e dispilinë dhe kishin dalë për argëtim. Ruzhdi Saramati e vrau njërin prej tyre, ishte nga Landovica e Prizrenit dhe i plagosi dy të tjerë”, ka thënë Goxhaj te “Kojshia show”.
Në fakt gjithnjë sipas Goxhajt vrasjen e ushtarit e kishte marrë përsipër tjetërkush.
“Për vrasjen përgjegjësinë e mori Pjetër Shala dhe me sa di është dënuar me 3-4 vjet burg pas luftës së Kosovës. Vrasësi i vërtetë, Ruzhdi Saramati nuk u poërgjigj kurrë për vrasjen, e cila na kushtoi me largimin e rreth 250 rekrutëve të rinjë të cilët të tmerruar u larguan pas kësaj vrasjeje”, ka thënë Goxhaj.
“Dhe më e vështira ishte se Bislim Zyrapi ma la mua përgjegjësinë që t’ia komunikpoja familjes së ushtarit vrasjen. E kisha shumë problem t’u thoja familjarëve se djali i tyre ishte vra, jo nga armiku por nga komandanti i tyre”, është shprehur Dritan Goxhaj.
Por Ruzhdi Saramati mohon tërësisht këtë version të ngjarjes.
Ja reagimi z. Saramati, në lidhje me deklarimet e z. Guxhaj:
” Zoti i madh i denoftë si din AI të gjjthe rrenacakët. Sot edhe po te ishte dita e rrenave, kjo rrenë do të ishte shumë e madhe. Këtë ditë doja ta filloja me urimin e madh për ju qe e dini se kush jam në të vërtetë unë dhe çfarë kam bërë për vendin tim. Urime Festa e Bajramit të gjithëve, ndërsa rrenacakët le të mbledhin provat dhe do të shihemi në gjyq. Emrin tim nuk duhet ta përdorin për keq gojë-kqinjtë. Gjithë jetën e kam kaluar me nder e me shumë sakrifica, njerëzit që më njohin e dijnë.
Për rrenacakët nuk kam asnjë fjalë tjetër, përveçse gjykata do ta sheshojë këtë shpifje.”
