⭕️ Motra e Letorim Ahmetit ende pa statusin e të plagosurve të luftës
Edhe pas 28 vitesh nga plagosja e saj gjatë luftës, Fatmire Ahmeti nga fshati Rezallë i Skenderajt vazhdon të mos e gëzojë statusin e të plagosurve të luftës.
Fatmirja është motra e Letorim Ahmetit, fëmijës së vrarë gjatë luftës. Në të njëjtën ditë, ajo u plagos rëndë, duke pësuar lëndime në të dy këmbët dhe në kokë.
Pasojat fizike dhe shëndetësore e kanë shoqëruar gjatë gjithë këtyre viteve, ndërsa krahas tyre ajo është përballur edhe me një proces të gjatë institucional për njohjen e të drejtave që i takojnë me ligj.
Pavarësisht dokumentacionit dhe dëshmive që vërtetojnë plagosjen e saj, procedurat për njohjen e këtij statusi nuk janë përmbyllur ende, as pas gati tri dekadash.
