Ishte një postim në llogarinë e tyre zyrtare në Instagram që ngriti dyshime për një rikthim të mundshëm, duke ngjallur entuziazëm te tifozët dhe komuniteti i CS:GO.
“Po sikur të bashkoheshim përsëri?”, shkruhej në postimin e Bad News Eagles ndër të tjerash.
Ky postim u shpërnda në rrjetet sociale nga Rigon “rigoN” Gashi, një nga lojtarët kyç të ekipit në të kaluarën, duke e bërë edhe më të fortë spekulimin për një rikthim të ekipit në skenën garuese.
Pas tij edhe Flatron Halimi ka reaguar, por ky ka reaguar në lidhje me videon e shpërndarë nga Telegrafi, kur gazetari Shkumbin Pireva tregon detajet nga postimi i publikuar nga Bad News Eagles në Instagram.
Ky po që do të ishte një lajm fantastik, duke ditur se sa shumë emocion kanë ngjallur djelmoshat me lojën e tyre në arenën ndërkombëtare jo vetëm në komunitetin e CS:GO, por në të gjithë shqiptarinë. /Telegrafi/
