Deputeti i PDK-së, Fadil Nura ka akuzuar Qeverinë për nepotizëm në instituticonet publike. Nura në seancën e Kuvendit, ka akuzuar Qeverinë e Albin Kurtit se ka nisur punësimet në bazë të nepotizmit, ndërsa sipas tij, në fushatë kishte paralajmëruar se do të ndalte këtë.
“Për një muaj e gjysmë, jo që i keni ndal punësimet familjare, por ato janë dyfishuar”, ka thënë Nura, transmeton Zeri.info.Kryeministri Kurti i është përgjigjur deputetit se punësimet të cilat ai i përmendi janë emërime politike dhe jo të bazuara në lidhje familjare.
“Qeveria jonë e ka edhe programin qeverisës, agjendën legjislative e kemi diskutuar bashkë këtu në Kuvendin e Kosovës, Kabinetet e ministrive tona kanë persona të përgatitur profesionalisht.
Ne kemi bërë emërime politike, jo punësime familjare. Me këtë rast ministrat i zgjedhin këshilltarët politik të cilët janë ose nga Shoqëria Civile ose nga Komunitetet profesionale të Lëvizjes”, ka thënë Kurti në seancë.
