9.3 C
New York
March 28, 2024
DardaniaNews
FeaturedLajme nga Bota

Horrori vazhdon: vdes një nga politikanët më të pasur rusë

Politikani, përfaqësuesi dhe multimilioneri rus Pavel Antov, anëtar i partisë Rusia e Bashkuar e Putinit, u gjet i vdekur para një hoteli në Indi, sipas tabloideve britanike që citojnë mediat indiane, pas një rënie misterioze nga dritarja e hotelit.

Ata shkruajnë se një manjat rus, pronar i një fabrike të famshme salçiçesh, është hedhur nga taraca e hotelit dhe se është gjetur në një pellg gjaku.

Udhërrëfyesi i tij indian e dërgoi me urgjencë në një spital lokal, por ai u shpall i vdekur atje.

Antov ishte në një udhëtim me tre miq të tij me rastin e ditëlindjes së tij të 66-të.

Mediat raportojnë se pak ditë para tij, një nga miqtë e tij vdiq pasi pësoi një atak në zemër. Ata shtojnë se nuk përjashtohet që Antov të ketë kryer vetëvrasje për shkak të vdekjes së shokut të tij.

Vdekjen e Antov e ka konfirmuar konsulli rus në Kalkutë, duke i thënë Tass se Antov ka rënë nga dritarja e hotelit. “Ne po ndjekim nga afër hetimet”, tha konsulli.

Në qershor, Antov kritikoi sulmin ndaj Ukrainës dhe i quajti sulmet ajrore në Kiev terror rus, raporton Daily Mail, por ai shpejt kërkoi falje për deklarata të tilla. Ai tha se komenti i tij ishte një keqkuptim dhe se ai gjithmonë e ka mbështetur Putinin dhe qëllimet e operacionit të tij ushtarak.

Antov ishte ndër politikanët më të pasur rusë, ai ishte dy herë në listën e Forbes të rusëve më të pasur.

Kështu, më vdekjen e tij, shtohet lista e një lloj thrilleri që nga shpërthimi i luftës, me shumë emra nga lista e oligarkëve apo të pasurve rusë, të cilët gjenden të vdekur në mënyrë të mistershme. Duket se një dorë e padukshme i eliminon si në një film horror. /tesheshi.com/

Related posts

Regjisori serb: Ne vepruam në Kosovë si nazistët, 1500 kufoma shqiptarësh u dogjën në furrat e Trepçes

dardanianews

Intervistë e rrallë e Ibrahim Rugovës për mediat gjermane, këto janë fjalët që ia kishte transmetuar botës

dardanianews

Karvani i vdekjes, rusët e vrarë në luftë po dërgohen fshehurazi në Bjellorusi

dardanianews