8.9 C
New York
March 28, 2024
DardaniaNews
FeaturedLajme

Ish-deputeti i LDK-së: Ju pata paralajmëruar për letrën e 16 kongresistëve, të orkestruar nga Gjuriqi – Politikanët tanë t’i lënë anash egot

Prezenca e Marko Gjuriqit në zyrën ovale, i mirëpritur nga presidenti amerikan, Joe Biden shkaktoi debat në Kosovë. U shtrua pyetja pse një ambasador serb pati mundësinë të arrinte në takim me të parin e Shtetit, ndërkohë që zytarëve të lartë të Kosovës, Albin Kurtit e Vjosa Osmanit nuk u ka shkelur këmba ende në Shtëpinë e Bardhë. Ish-deputeti Faton Bislimi thotë se elita politike në Kosovë duhet lënë anash egon e të punojë në interes kombëtar…

Ish- deputeti i LDK-së, Faton Bislimi, i cili është edhe anëtar i Bordit Ekzekutiv të Ligës Qytetare Shqiptaro-Amerikane, në një intervistë për Periskopin ka rikthyer në theks letrën e 16 kongresistëve amerikanë drejtuar Bidenit para disa muajve, e cila ishte e orkestruar nga vet Gjuriqi, në dëm të Kosovës.

“Keni parasysh letrën e 16 kongresmenëve amerikanë drejtuar Biden më 4 shkurt ku flitej në superlativë për Serbinë dhe shënohej 140 vjetori i marrëdhnieve diplomatike serbo-amerikane, letër kjo e orkestruar nga Gjuriq. Ndaj kësaj letre, isha unë i vetmi që kisha reaguar përmes letres sime dërguar secilit nga këta kongresistë më 6 shkurt. Në letrën time kisha argumentuar të vërtetën historike duke faktuar se Serbia nuk ka qenë asnjëherë aleate e sinqertë e SHBA-ve, por vetëm dorë e zgjatur e Rusisë në Ballkan dhe shkaktuese e luftërave më të përgjakshme në Evropë në shekullin e fundit’’, ka thënë ai për Periskopin.

Bislimi ka deklaruar se në Kosovë e kishin marrë si të parëndësishme letrën në fjalë dhe vetëm ai kishte reaguar.

‘’ Shumëkush në Kosovë e ka marrë të parëndësishme letren e kongresisteve për Serbinë të 4 shkurtit, dhe duke e parë që kaluan dy ditë e askush nga Prishtina nuk reagoi, unë bëra letren time mandej.’’.

Tutje Bislimi ka rikujtuar se sa unike janë raportet Kosovë-SHBA dhe si duhet të mirëmbahen në baza ditore.

‘’Prishtina duhet ta kuptojë njëherë e mirë që marrëdhënjet e Kosovës me SHBA-në janë unike dhe të pazëvendësueshme, por se ato duhet të mirëmbahen në baza ditore! Nuk ka urë lidhëse më të fuqishme e më kredibile në këtë kontekst sesa Liga Qytetare Shqiptaro-Amerikane e udhëhequr nga Joe DioGuardi e Shirley Cloyes DioGuardi. Është Liga e cila tash e 33 vite ka punuar pa rezervë për të krijuar miqësinë tonë permanente me SHBA-të dhe është vetëm Liga që mundet t’i bëjë ballë lobimit të hatashëm serb në DC. Në politikën e jashtme, elita jonë politike duhet lënë anash egot, e duhet fokusuar në interesin kombëtar të Republikës.’’, shtoi Bislimi.

Kujtojmë që kryeministri Albin Kurti ende nuk ka zhvilluar asnjë vizitë të vetme në SHBA që nga marrja e detyrës. E bashkë me Osmanin, s’kanë arritur të takojnë as Sekretarin Amerikan e Shtetit, e jo më tutje.

 

Related posts

Radhë e gjatë e kamionëve në Bërnjak, Serbia ndalon kalimin nga Kosova në territorin e saj |VIDEO

dardanianews

Motoçiklisti vret me dhëmbë pitonin që e sulmoi në rrugë, vendasit e pjekin dhe e hanë

dardanianews

Takohet Skënder Hyseni dhe Dardan Molliqaj, ja për çfarë biseduan ata

dardanianews