Deputeti i AAK-së së, Bekë Berisha, po thotë se kryeministri i Kosovës, Albin Kurti, ia ka hapur dyert Serbisë në Amerikë. Ky reagim i Berishës vjen pasi ambasadori i Serbisë, Marko Gjuriq, është takuar me presidentin amerikan, Joe Biden, në Shtëpinë e Bardhë.
Berisha ka thënë se në vitin e parë, diplomacia e Qeverisë Kurti ka shërbyer më shumë për përplasje me Tiranën dhe sulme ndaj UÇK’së sesa për të mirëmbajtur raportet me miqtë.
Deputeti Berisha thotë se pavarësisht paralajmërimeve për performancën e Qeverisë Kurti, nuk e kishte besuar që do të vinte puna që të hapeshin dyert e Amerikës për Serbinë e t’i mbylleshin Kosovës.
