Albert Krasniqi dhe Besa GashiAlbert Krasniqi, biznesmeni që u vra nga babai i tij Skënder Krasniqi në Prishtinë një natë më parë, ishte në kërkim nga Policia e Kosovës. Mediat e Kosovës shkruajnë se Krasniqi kërkohej nga autoritetet pasi akuzohej se kishte ushtruar dhunë fizike ndaj ish-bashkëshortes së tij, Besa Gashi, me të cilën ka edhe një vajzë.
Pavarësisht se dyshja ishin divorcuar, marrëdhënia mes tyre ishte e tensionuar dhe Albert Krasniqi kishte ushtruar dhunë mbi të, madje duke bërë që Gashi të përfundonte në spital. Madje pak para se të ndodhte krimi i rëndë në qendër të Prishtinës, Skënder Krasniqi ka debatuar me të birin dhe i ka kërkuar që të dorëzohej në polici.
Ky i fundit nuk ka pranuar dhe të dy janë përplasur fizikisht, gjë që ka degraduar në përdorimin e armës që solli vdekjen e Krasniqit.
Në orën 17:00, pasdite e djeshme, Skënder Krasniqi telefonoi policinë për tu dorëzuar dhe u tha se kishte vrarë të birin. Familja Krasniqi njihet si një prej familjeve më të pasura në Kosovë dhe biznesmenë të fuqishëm në fushën e ndërtimit.
