Profesori universitar Kadri Kryeziu ka vlerësuar se Përparim Rama po shfaqet çdo ditë e më shumë si figurë udhëheqëse duke hyrë në betejat politike që i takojnë një lideri të vërtetë. Sipas Kryeziut, Rama ka filluar të artikulohet fuqishëm dhe të ndërtojë profilin e tij politik brenda Lidhjes Demokratike të Kosovës.
Ai thotë se tashmë edhe mbështetja ndërkombëtare është bërë e qartë duke theksuar se “britanikët janë pozicionuar fuqishëm prapa tij”, çka e bën Ramën një kandidat serioz dhe të besueshëm për drejtimin e LDK-së.
“Me zgjedhjen e Ramës si kryetar, në LDK do të rikthehen dinamika krijuese dhe energjia që ka munguar prej vitesh,” u shpreh profesori Kryeziu duke nënvizuar se një udhëheqje e re mund t’i japë partisë frymëmarrjen e nevojshme për t’u ringjallur politikisht. /Kosova.info/
