Opinionisti Bleron Baraliu ka dhënë parashikimin e fundit sa i përket ulëseve që do të marrin subjektet politike në legjislaturën e re, raporton Gazeta Express.
Në një shkrim në Facebook, Baraliu ka thënë se Vetëvendosje mund të marrë 58 deputetë në rast se ruan 58% të votave të diasporës.
Baraliu thotë se për t’i marrë LVV-ja 59 deputetë atëherë i duhet të sigurojë mbi 89% të votave të diasporës.
Së pari sipas tij bie numri i deputetëve të AAK-së, pastaj i bie PDK, derisa në fund LDK-ja.
Sipas llogaritjeve te mia para 14 Shkurtit (te diskutuara ne Pressing-T7 me 18.2) Diaspora do te ketë 55k vota me 71.4% për VV, por si duket deri tani mund te dale edhe me larte. Sidoqoftë, 57 apo 58 duket te jete fundi nëse nuk kemi befasi ne çastet e fundit nga numërimi i diasporës”, ka thënë ai./GazetaExpress/
