2.3 C
New York
April 22, 2021
DardaniaNews
Lajme

Nexhat Daci propozohet për president nga Thaçi, reagon vet ai

Sipas një propozimi brenda koalicionit qeverisës, Nexhat Daci mund të rikthehet në skenë, si president konsensual i vendit. Media mëson se ai është përmendur, e propozimi i tij ka marrë “aminin” e Presidentit Thaçi. Nuk dihet nëse do të bindet Ramush Haradinaj, e vetë Nexhat Daci ka dhënë një përgjigje rreth kësaj.

Çështja e Presidentit po i shkakton telashe koalicionit qeverisës, që nga formimi i tij, ani pse partnerët janë marrë vesh për të mos folur rreth kësaj teme në fillim.

Ndaras të gjithë kanë folur kryesisht për këtë temë. Ramush Haradinaj madje e ka shpallur kandidaturën, që nuk ia përkrahën partnerët.

 

Isa Mustafa dhe Haradinaj dje janë takuar pas disa javësh përplasje publike.  Media  mëson se është propozuar një emër për kandidat konsensual për President.

Bëhet fjalë për një nga figurat kryesore të politikës se Kosoves në vitet e pasluftës, ish-kryeparlamentarin e Kosovës dhe zyrtarin e lartë të LDK’së, Nexhat Dacin.

Daci në një prononcim ka thënë se nuk ka njohuri nëse është propozuar dhe se momentalisht është i tërhequr nga skena politike.

“Nuk kam informatë. Në këtë periudhë jam i tërhequr me problemet e mia. Nuk kam asnjë njohur dhe s’kam çka…”, tha ai.

Anëtari i Akademisë së Shkencave, i pyetur nëse do të pranonte të ishte kandidat për president, tha se tash nuk ka çfarë të thotë.

“Po e lëmë tash me kaq, pastaj shohim”, ka thënë Daci.

Related posts

“Ai përdhunoi edhe 2 shoqet e mia” 15 vjeçarja e dhunuar rrëfen detaje të rënda

dardanianews

Shuma marramendëse që iu kërkua prishtinases për të mos ia publikuar disa foto e video intime

dardanianews

Vret gruan, vajzat dhe qenin, më pas vret veten: Prej një jave të izoluar nga koronavirusi

dardanianews