Një ngjarje e rëndë ka ndodhur sot në Podujevë, ku një grua e re është gjetur pa shenja jete, mëson Gazeta Sinjali.
Sipas informacioneve që ka siguruar Sinjali, viktima është Saranda Azemi, 30 vjeçare.
Burimet bëjnë të ditur se ekzistojnë dyshime se 30-vjeçarja ka konsumuar një substancë kimike (domestos), ndërsa rrethanat e plota të rastit ende nuk janë sqaruar.
Autoritetet pritet të ndërmarrin veprimet e nevojshme hetimore për të përcaktuar shkakun dhe rrethanat e vdekjes.
Rastin për Sinjalin e ka konfirmuar zëdhënësja e Policisë në rajonin e Prishtinës, Flora Ahmeti.
““Një rast hetim mbi vdekjen është iniciuar në stacionin e Podujevës, për sqarimin e rastit po punohet në koordinim me prokurorinë”, ka thënë Ahmeti.
Sinjali do t’ju mbajë të informuar për detajet e reja rreth rastit.
