5.9 C
New York
March 29, 2024
DardaniaNews
FeaturedLajme

Rada Trajkoviq paralajmëron koalicion me Albin Kurtin

Kandidatja për deputete në zgjedhjet e 14 shkurtit nga subjekti politik (Për liri, drejtësi dhe mbijetesë” – IQ “SPO”, Rada Trajkoviq, ka filluar fushatën për zgjedhjet parlamentare në Kosovë në Veriun e  Mitrovicës – nga vendi ku ishte vrarë politikani serb Oliver Ivanoviq.

Trajkoviq ka akuzuar Listën Serbe se po bën fushatë të ndyrë dhe se po kufizon e lirinë e opsioneve të tjera politike të komunitetit serb. Ajo thotë se ekziston errësirë ​​mentale te serbët e Kosovës dhe se suksesi i opsionit të saj politik varet nga thyerja e këtij mentaliteti.

Ish-deputetja e Kuvendit të Kosovës, në një intervistë për portalin serb “Kossev”, tha se subjekti i saj politik do të bashkëpunojë me të gjitha opsionet politike që do të fitojnë votën e shqiptarëve të Kosovës.

Dhe kur bëhet fjalë për bashkëpunimin me opsione të tjera politike pas zgjedhjeve, Trajkoviq thotë se do të bashkëpunojë me çdo parti që do ta zgjedhin fituese shqiptarët në Kosovë.

Ajo e sheh si mundësi një marrëveshjeje të koalicionit pas-zgjedhor me Vetëvendosjen.

“Mendoj se z.Kurti dominon në atë nivel për sa i përket mbështetjes midis shqiptarëve dhe normalisht që z.Kurti nuk mund të vetëm, kështu që në të ardhmen sipas të gjitha gjasave do të ketë një koalicion”, tha Trajkoviq.

Trajkoviq ka folur edhe për fushatën e Kurtit në Shtërpcë me përfaqësues të Iniciativës Qytetare “SPO”, duke thënë se urrejtja nuk është më slogan.

Ajo tha se anëtari i IQ “SPO” nga Shtërpca, Cvetko Veljkoviq, së bashku me politikanin Nenad Rashiq, që mbështet këtë opsion politik, dhe udhëheqësi i LVV, Albin Kurti, qëndruan në Shtërpcë në kuadër të fushatës parazgjedhore.

“Ishte një mesazh se urrejtja nuk është slogan, brendnë Kosovë dhe se ekzistojnë forca që mund të punojnë dhe paraqiten së bashku, duke zgjidhur problemet themelore të qytetarëve, siç është problemi në Shtërpcë- përpjekja për shkatërrimin e gjithë ekosistemit dhe dëbimi qytetarëve nga Bjeshkët e Sharrit, pasi do të mbeteshin pa ujë”, tha ajo.

 

 

Related posts

Të hënën rinis Reforma Zgjedhore/ PS fton PD dhe LSI të ulen përballë në Këshillin Politik

dardanianews

Rusia mbështet “Ballkanin e Hapur”, Lavrov e quan nismë të Beogradit zyrtar

dardanianews

Mediumi anglez: Behgjet Pacolli dëshiron ta blejë Manchester Unitedin

dardanianews