Rusia ka publikuar pamjet e luftanijeve të saj gjigante duke shkuar në Detin e Zi në mbështetje të krizës kufitare me Ukrainën.
Moska tha se dislokimet vijnë në kohën që pret përgjigje pas bisedimeve me SHBA për përpjekjet e reduktimit të rrezikut të konfliktit ushtarak.
Ajo tha se 20 luftanije dhe mjete detare mbështetëse janë dërguar për manovra në Detin e Zi mes tensioneve me NATO-n në Evropën lindore.
Ministria e mbrojtjes ka konfirmuar se grupi ushtarak në të cilin përfshihen frigata, anije raketore, mina-lëshuese dhe mjete amfibe, ishte nisur nga portet e Sevastopol e Novorossiysk në brigjet jugore të vendit.
Në videon e publikuar nga ushtria shihen disa nga anijet më të reja luftarake që merrnin pjesë, siç është frigata Admiral Essen, e cila është bashkuar me flotën në 2016, apo korveta Ingushetia, që nisi lundrimet në 2019. /GazetaSinjali/
