19.2 C
New York
May 27, 2024
DardaniaNews
FeaturedLajme

Shkëlzen Maliqi: Koalicioni LVV-PDK mund të ndodhë pas zgjedhjeve

Gjatë ditëve të fundit Kryediplomati Glauk Konjufca dhe Kryeministri në detyrë Albin Kurti kanë ulur tonet me Partinë Demokratike të Kosovës.Ishte i pari Ministri i Jashtëm në detyrë Glauk Konjufca që deklaroi se do të marrin në koalicion atë parti që u dërgon ministra të pakorruptuar.Më tej këtë deklaratë të Konjufcës nuk e mohoi as Kryeministri në detyrë Albin Kurti.

Por, një koalicion të tillë nuk e sheh të mundur tani për tani njohësi i çështjeve politike Shkëlzen Maliqi.Maliqi në një prononcim për “Gazeta Blic” ka theksuar se një koalicion i tillë mund të ndodhë vetëm pas zgjedhjeve.“Mendoj se largimi i vijës së kuqe të LVV për koalicion me PDK-ne nuk vlen për situatën aktuale, kjo është e menduar për periudhën pas zgjedhjeve, kurdo që ato mbahen. LVV ka ndërmend që ta shfrytëzojë paraprakisht trendin e rritjes së përkrahjes, e thonë se mund të fitojnë mbi 50 %, por mbase e dinë se kjo nuk është realiste, prandaj llogarisin me PDK-në si partner, duke vlerësuar, si Gluak Konjufca, në konstruktivitetin dhe reformat që po bëhen në këtë parti nën drejtimin e Kadri Veselit.Edhe nga PDK-ja nuk e përjashtohet kjo mundesi, por jo me legjislaturën aktuale, nëse sërish dërgojnë emër të mandatarit për Kryeministër. Ky opcion mendohet pas zgjedhjeve të reja, kurdo që ato mbahen, nëse jo deri në vjeshtë, atëherë pas një a dy vjetëve.” thekson Maliqi.

Por nga Partia Demokratike e Kosovë kanë deklaruar se do të qëndrojnë në opozitë dhe se nuk bëhen pjesë e asnjë kalkulimi politike./Gazeta Blic/

Related posts

Hoti kërcënohet me djegie, nëse do ketë përsëri mbyllje totale të vendit

dardanianews

(FOTO) “Urrejtja vdes, ti jeton përgjithmonë”, letra që avokati serb la mbi varrin e Blerina Jasharit

dardanianews

Kërkohet ndihmë për shërim jashtë vendit për 13 vjeçaren nga Drenasi, Rinesa Dani, i duhen 4 mijë euro

dardanianews