8.9 C
New York
March 28, 2024
DardaniaNews
FeaturedLajme

Shqiptari hero shpëton foshnjën që kishte rënë në liqenin e ngrirë në Itali

Tomorr Buzi ishte në një udhëtim në liqenin Braies në Trentino Alto Adige , me gruan dhe vajzat e tij, kur dëgjoi britmat e një gruaje që kërkonte dëshpërimisht ndihmë, të shoqëruar nga klithma e një foshnje, djali i saj katër muajsh.

Pa hezituar Tomorri vrapoi për të shpëtuar të voglin duke rrezikuar edhe jetën e tij. Sapo e kuptoi seriozitetin e situatës, 43-vjeçari shqiptar i cili jeton në Romano di Lombardia të Italisë, u vërsul drejt shtresës së akullit që kishte mbuluar liqenin.

Ecja mbi të do të ishte e pamundur, duke pasur parasysh trashësinë e vogël të akullit, që bëri që 8 persona të binin në ujë të hënën e kaluar.

Ecja mbi të do të ishte e pamundur, duke pasur parasysh trashësinë e vogël të akullit, që bëri që 8 persona të binin në ujë të hënën e kaluar.

Buzi u zvarrit dhe u rrotullua me kujdes në akull, për të arritur tek fëmija në rrezik, derisa mundi ta kapte.

“Askush nuk mund t’i rezistonte kurrë klithmave të një gruaje që kërkon ndihmë, aq më pak klithmës së një foshnje. Ai ishte aq i vogël dhe i pafuqishëm. Kur e pashë, i prekur nga instinkti, vrapova menjëherë për ta shpëtuar. Është çështje sekondash në të cilat nuk mendoni për asgjë tjetër veç misionit tuaj. E imja, në atë moment, ishte ta shpëtoja atë”, tha Buzi.

Pasi e nxori nga uji i ngrirë, Buzi e vendosi foshnjën në sipërfaqen e ngrirë duke pritur ndihmë. Ai vetë qëndroi në ujin e akullt. Pasi mbërriti ndihma, të dy u shpëtuan.

Pas disa ditësh, burri thotë se është krenar për veprimin e tij dhe nënvizon se si janë edhe gruaja dhe vajzat e tij, pavarësisht shqetësimit të dukshëm fillestar.

“Më vjen keq pasi shqetësova familjen time, por e dija që po bëja gjënë e duhur dhe e di që edhe ata thellë brenda vetes menduan të njëjtën gjë. Nëse do të kthehesha, do ta bëja përsëri”, tha ai.

Nuk vonuan të mbërrinin urimet e sinqerta të të njohurve, miqve dhe kryetarit të bashkisë Romano, Sebastian Nicoli , i cili mëngjesin e së enjtes takoi dhe falënderoi personalisht bashkëqytetarin e tij./Abcnews.al

Related posts

Letra e Fan Nolit për Enver Hoxhën

dardanianews

LAJMI I FUNDIT: Përfundon takimi Thaçi-Vuçiq në Shtëpinë e Bardhë

dardanianews

Ngjarje e rëndë: Vdes 15-vjeçarja, dyshohet se ra nga lartësia e një objekti

dardanianews