27.1 C
New York
June 25, 2024
DardaniaNews
FeaturedLajme

Thaçi pas takimit me ambasadorët: Do të këshillohem me partitë se çfarë do të bëjmë pas shkarkimit të Qeverisë

Presidenti i Kosovës, Hashim Thaçi, ka takuar sot ambasadorët e Kuintit dhe atë të BE-së në Prishtinë, për t’i informuar për hapat që do t’i ndërmarrë pas mocionit për Qeverinë Kurti në javën e kaluar.

Në këtë takim ishin Ambasadori i Shteteve të Bashkuara të Amerikës, Ambasadori i Britanisë së Madhe, Ambasadori i Gjermanisë, Ambasadorja e Francës, Ambasadori i Italisë dhe Shefja e Zyrës së BE-së në Kosovë.

Presidenti në takim tha se do të marë të gjitha hapet në përputhje me Kushtetutën e Kosovës.

“Pas shkarkimit të Qeverisë nga Kuvendi i Kosovës, më 25 mars, do të marrë hapa gjithnjë në përputhje me Kushtetutën e Kosovës, me ligjet e Kosovës dhe me detyrat si President i Republikës së Kosovës”, citohet të ketë thënë Thaci.
Presidenti shtoi se gjatë kësaj jave do të ketë konsultime me të gjitha partitë parlamentare, për t’i marrë sugjerimet dhe këshillat e tyre se cilën rrugë duhet ndjekur, duke u bazuar në Kushtetutën dhe ligjet e Republikës së Kosovës.

Ai ka thënë se do të vendosë për opsionin më të mirë për të dalë nga situata në të cilën jemi futur, pas shkarkimit të Qeverisë së Kosovës.

Kreu i shtetit ka theksuar se Kosova ka nevojë për një qeveri që do të sjellë stabilitet, unitet sa më të madh politik dhe qytetar, që do të jetë gjithëpërfshirëse dhe e orientimit të qartë euroatlantik.

Related posts

Promohohet libri ‘N’kohë për veten’ i autorit Fitim Uka, udhërrëfyes në ballafaqimin me ‘labirintin’ e së kaluarës dhe ‘çelësin’ e së ardhmes

dardanianews

Nuk tërhiqen serbët, ende po qëndrojnë në Jarinje

dardanianews

Dritan Abazoviq dekorohet me çmimin “Çelësi i Qytetit të Tiranës” nga Erion Veliaj

dardanianews