19.3 C
New York
June 15, 2024
DardaniaNews
FeaturedLajme

The Sun: Si po e marrin shqiptarët ‘narko-tregun’ pesë miliardë funtash në Britani

Bandat e ndryshme që veprojnë në Mbretërinë e Bashkuar, mes të cilave edhe ato shqiptare, kanë zonat e tyre të ndikimit.

Kështu shkruan gazeta prestigjioze britanike “The Sun”, në një artikull që mban titullin “Rrugët e Turpit”, për shkak të pranisë së theksuar të kriminalitetit.

Sa i takon grupit shqiptar Hellbanianz, raportohet se vepron në bllokun e kullave të kompanisë “Gascoigne”, në zonën Barking, në lindje të Londrës.

Sipas gazetës, që e shoqëron artikullin me foto, banda ballkanase preferon makinat e shpejta tip “Bentley” dhe mburret për përdorimin e kallashnikovëve.

Duke iu referuar fotove, të postuara nga vetë bandat në rrjetet sociale, “The Sun” shkruan se grupi kriminal është i armatosur deri në dhëmbë.

“Lartë në bllokun e kullave “Gascoigne”, në Barking, gangsterët shqiptarë janë në prag të marrjes nën kontroll të tregtisë së kokainës në Mbretërinë e Bashkuar, me vlerë 5 miliardë paund”, vijon gazeta.

Ajo shton se edhe pse shëtisin me “Rolls Royce” dhe “Bentley”, Hellbanianz janë ushtarë rruge, që shërbejnë si krahu i armatosur i mafies shqiptare.

Krahas drogës, grupet shqiptare kryejnë edhe grabitje të armatosura në Londër dhe thuhet se takohen në pabin “Kings Lounge”.

 

Related posts

Votoni !!! A Duhet Ti Lejohet Kurtit Kandidimi Ne Zgjedhje ??

dardanianews

“Kur i ke miqtë e fortë, vera te dera”, deklarata e Hotit për Bidenin bën bujë në mediat serbe

dardanianews

Mediumi bullgar: Aksidentohet autobusi me pasagjerë nga Kosova

dardanianews