Policia e Kosovës dje arrestoi një 45-vjeçar me inicialet I.G., i cili dyshohet se ka kryer veprën penale “Keqpërdorim i fëmijëve në pornografi”.
Gazeta Sinjali mëson se personi që përfundoi në prangat e Policisë është Ilir Gashi, nga fshati Qyshk i Pejës.
Gashi dyshohet se ka poseduar foto dhe video me përmbajtje abuzuese seksuale me fëmijë, të cilat më pas i ka shpërndarë edhe me persona të tjerë, përmes komunikimit online.
45-vjeçarit i është sekuestruar telefoni celular dhe një laptop, ku dyshohet se i mbante fotot dhe videot pornografike me fëmijë.
Me vendim të prokurorit, i dyshuari është duke u mbajtur në ndalim policor.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./Gazeta Sinjali/
