Gani Geci nga LDK ka thënë se në asnjë variant edhe nëse bie qeveria Kurti, ai dhe vajza e tij, deputetja Marigona Geci, nuk do të përkrahin një koalicion me PDK-në.
Geci ka thënë se Kosova nuk bën assesi si vend i vogël të dëmtoj marrëdhëniet me Shtetet e Bashkuara të Amerikës, dhe se ka thënë se ata që kanë prodhuar këtë situatë, duke iu referuar Vetëvendosjes, nuk dinë të udhëheqin.
“Në këtë situatë ku ne e kemi një përballje shumë të madhe me një virus, dhe tash të kemi një problem tjetër politik, ata që e kanë krijuar nuk dinë ta udhëheqin këtë vend”, tha Geci.
Ai ka sqaruar pse nuk do të përkrahte një koalicion me PDK-në.
“Familja jonë, para se mu ba zgjedhjet ka thënë se as ai dhe familja e tij nuk do të votojnë një koalicion me PDK-në.
Me asnjë koalicion me PDK-në ajo e ka thënë para zgjedhje, nuk jemi nj familje që i biem pishmonë, një koalicion me PDK-në qoftë gjithëpërfshirës, vajza jonë nuk e voton. Ne kemi probleme personale, familjare, derisa të sqarohen ato, ne nuk e përkrahim këtë koalicion”, tha Geci./IndeksOnline/
