Ish-ministri i Brendshëm Agim Veliu , nënkryetar i LDK-së përmes një linje telefonike në Pressing, foli për mocionin për rrëzimin e Qeverisë, derisa tha se s’kanë ndonjë ide se çfarë do të ndodhë më pas, as për ndonjë koalicion e as për kandidat për kryeministër.
“Ne s’kemi diskutu as cila do të jetë qeveria pas mocionit e as kush do të jetë kryeministër. Një është e qartë që asnjëri prej nesh s’do koalicion me PDK-në. Por, do t’i shikojmë variantet në përputhje me Kushtetutën”, tha Veliu, përcjellë Indeksonline.
Ai foli edhe për Vjosa Osmanin e cila ka votuar kundër mocionit dhe thirrjes që deputetët nesër mos ta votojnë atë.
“Qëndrimi i Vjosës s’është diçka e re, ajo ka vepru edhe ma herët në këtë mënyrë. E ka dëmtu gjatë gjithë kohës qeverinë e partisë së saj. Por, kjo duket edhe më interesante, se të jesh funksionare e lartë e një subjekti e të punosh për një tjetër subjekt, kësaj s’i thonë tjetër veçse tradhëti të interesave.
Nëse Vjosa bën thirrje që të mos respektohen vendimet e LDK-së dhe punon edhe më të tjerët, nuk e ka asnjë kuptim që ajo të qëndrojnë më në LDK”, ka thënë Veliu./Indeksonline
