Hetues nga Gjykata Speciale para pak çasteve kanë “zbarkuar” në zyrat e Gazetës Infokus në Prishtinë.
Burimet e IndeksOnline kanë thënë se ata kanë kërkuar kopjen e dosjeve të marra nga OVL së UÇK-së, në të cilat ka emra të dëshmitarëve.
Hetuesit kanë qëndruar për një kohë brenda zyrave ndërsa kanë arritur që ta marrin dosjen e njëjtë të cilën e kanë marr një ditë më parë në zyrat e OVL së UÇK-së.
Rikujtojmë se gazeta Infokus ndonëse ka poseduar gjithë materialin, ajo nuk ka publikuar asnjë detaj nga ato dosje.
Drejtuesit e organizatave të veteranëve të luftës dje kanë pohuar se dosjet janë shpërndarë në disa media./IndeksOnline/
