Deputeti i Vetëvendosjes, Haki Abazi, ka vazhduar me deklaratat e tij që kundërshtojnë qëndrimet e partisë dhe kryeministrit, Albin Kurti.
Tash, Haki Abazi ka dalë kundër propozimit të kryemininistrit Albin Kurti që pragu për shaminë të jetë mbi moshën 16 vjeçare.
Abazi ka thënë se ky prag duhet të bëhet mbi moshën 18 vjeçare.
“Pas moshës 18 vjeçare le të bëjnë atë që duan, besojnë dhe atë që ata/ato e kanë synim, pasion, dëshirë dhe vullnet në jetën e tyre. Në fund ata janë përgjegjës për jetën dhe pozitën në shoqëri dhe rrethet shoqërore”, ka shkruar ndër të tjera Abazi.
Më tej, Abazi ka përmendur 12 raste për të arsyetuar moshën 18 vjeçare.