23.2 C
New York
June 28, 2022
DardaniaNews
Featured Lajme

Borell ndjek rrugën e Mogherinit, nuk e kundërshton ndryshimin e kufijve nëse pajtohen Kosova e Serbia

Njësoj sikurse paraardhësja e tij, Federica Mogherini, Përfaqësuesi i Lartë i BE-së, Josep Borell, si ndërmjetësues në dialogun në mes të Kosovës dhe Serbisë nuk e kundërshton idenë e shumëkontestuar të korrigjimit të kufijve dhe shkëmbimit të territoreve. Derisa thotë se njohja reciproke mes Kosovës dhe Serbisë nuk është çeshtje e Bashkimit Evropian.

Spanjolli Josep Borell, të cilit i është besuar politika e jashtme e Bashkimit Evropian, në një intervistë për disa media të Ballkanit, nuk ka kundërshtuar mundësinë e korrigjimit të kufijve në mes të Kosovës dhe Serbisë. Sipas tij, u takon palëve që të merren vesh dhe se nuk i takon Brukselit t’iu tregojë palëve së për çfarë duhet të merren vesh dhe për çfarë jo.

“Siç thashë kjo është një çështje që duhet të zgjidhet në dialog mes Serbisë dhe Kosovës. Unë nuk shoh nevojën që ne të jemi më katolikë se Papa. Nuk na takon neve t’u themi serbëve dhe kosovarëve se për çfarë duhet të pajtohen ata, apo jo. Roli ynë do të jetë të lehtësojmë dialogun. Por siç thashë nuk duhet të jemi më katolikë se Papa. Nëse ata merren vesh për diçka në duhet gjithsesi ta studiojmë atë marrëveshje, sepse secila marrëveshje mes Serbisë dhe Kosovës ka ndikim në rajon”, ka thënë Borell i pyetur nëse është kundër idesë së shkëmbimit të territoreve dhe korrigjimit të kufijve.

Borell ka thënë se e kupton qëndrimin kundërshtues të Gjermanisë por thotë se roli i tij si shef i Politikës së Jashtme është lehtësimi i dialogut dhe ka thënë se do t’i marrë parasysh të gjitha efektet anësore që mund të ketë në rajon një lëvizje e mundshme e kufijve.

“Le të them se unë jam më shumë eklektik. Ne duhet ta lehtësojmë dialogun dhe, siç thashë, t’i marrim parasysh efektet kolaterale të çfarëdo lloj marrëveshje në pjesë tjera të rajonit, ku problemi i lëvizjes së kufijve ka qenë gjithmonë i ndjeshëm. Unë e kuptoj personalisht pozicionin e Gjermanisë dhe të tjerëve, por roli im dhe i Përfaqësuesit tim të posaçëm është që ta lehtësojmë dialogun”, ka thënë tutje Borell.

Josep Borell, gjithashtu, ka thënë se çështja e njohjes reciproke mes Kosovës dhe Serbisë nuk është në kompetencën e Bashkimit Evropian.

Ai thotë se secili shtet veç e veç është përgjegjës për njohjen ose jo të një shteti.

“BE-ja ka marrëveshje për bashkëpunim me Kosovën. Kjo dëshmon se ne pranojmë se diçka që quhet “Kosovë” ekziston. Nuk nënshkruani një marrëveshje me dikë që nuk ekziston. Në anën tjetër, njohja si shtet nuk është çështje për Bashkimin Evropian sepse kjo nuk është në kapacitetet e saj. Kjo është kompetencë e shteteve anëtare dhe secili vetë vendos për këtë. Ju e dini se disa shtete e njohin e disa jo. Por duhet bërë dallim, dhe jam i sigurt se ju e bëni, mes njohjeve individuale si shtet nga shteti anëtar nga fakti se kemi marrëveshje në nivel të Bashkimit Evropian”, ka theksuar Borell, i pyetur rreth njohjes së ndërsjellë Kosovë-Serbi përmes dialogut. /Express/

 

 

Related posts

“Skenari” i frikshëm ndaj Kurtit, dalin pamjet se gjithçka ishte e përgatitur: “Shërbehet nga Serbia, mirë që nuk e lanë në Skenderaj”

dardanianews

Driton Selmanaj synon zv.kryeministrin, Armend Zemaj- ministër

dardanianews

Ukrainian Defense Ministry publishes creepy footage after entering Bucha town: This is the new Srebrenica

dardanianews