Ikona e muzikës moderne shqiptare, Dafina Zeqiri shumë shpejt do të lansojë albumin e ri “Dafinë moj”, shkruan GazetaBlic.
Këngëtarja e cila numëron shumë hite në karrierën e saj muzikore, pak para lansimit të albumit është duke punuar në dy këngë të reja të cilat po realizohen dhe me klipe.
E njëra nga to mban titullin “Million Dollar”, e që Zeqiri ka zbuluar për ndjekësit se si do të duket në klip, ndërsa tregon një nuse moderne e veshur me ‘dallamë’.
Por, ajo e cila ende nuk ka mbushur tre vite në skenë, e që vitin e kaluar i bëri ftesë Dafina Zeqirit për bashkëpunim, tani po e thumbon atë.
Bëhet fjalë pikërisht për Doruntinën, e njohur si Tayna e cila u bë e njohur për publikun me bashkëpunimin që pati me reperin Don Phenom.
E ndonëse ato bashkëpunuan në këngën “Bye Bye”, e që Zeqiri i dha një shtysë të madhe në karrierë, ajo sot po mundohet të ironizojë me projektet e saj.
Në Instagram është publikuar një video, ku Doruntina mundohet të thumbojë Dafina Zeqirin lidhje me projektin e saj të fundit “Million Dollar”.
Video Player
