Aktorja e mirënjohur, Teuta Krasniqi, ka disa kohë që nuk ka qenë shumë aktive në jetën e saj profesionale, kurse seriali i fundit që ajo ka marrë pjesë ka qenë “Istar”.Krasniqi si duket kohët e fundit ka qëndruar në hije, por ajo vazhdimisht përflitet për jetën e saj private dhe për çdo gjë tjetër që ka të bëjë me të.
Së fundmi në një emision, aktorja është pyetur sesi është ndjerë kur i është propozuar një skenë, ku ajo duhet të shfaqej e tëra e zhveshur.“Kam qenë shumë në dilema për këtë film, madje dy javë kam qarë. Sot jam shumë e penduar pse kam qarë”, tha ajo.
Po ashtu ajo shtoi se e kishte pasur ëndërr të punonte me regjisorin e këtij filmi, por thotë se në momentin që e ka kuptuar se do të ketë një pjesë ku ajo duhet të jetë e tëra e zhveshur, është dëshpëruar.
“Më mbeti në fyt. Si aktore është budallaki të mendosh se do të zhvishem e çfarë pastaj thonë njerëzia. Unë në atë kohë nuk e kisha luksin të mendoj vetëm si aktore, pasi merresha me emisione humanitare e emisione të fëmijëve,” përfundoi aktorja.
