22.5 C
New York
June 21, 2021
DardaniaNews
Featured Lajme Shqipëri

Dorëhiqet “gjyqtarja e Tik Tok-ut”, Enkeleda Kapedani

Gjyqtarja Enkeleda Kapedani, që u bë e njohur për shkak të videove që shpërndante në llogarinë e saj në platformën Tik-Tok, ka dhënë dorëheqje nga posti i nënkryetarjes së Gjykatës të Elbasanit.

Ky vendim i saj vie në kohën kur në Këshillin e Lartë Gjyqësor tanimë ka nisur seanca dëgjimore lidhur procedimin disiplinor, me qëllim shkarkimin e saj.

Pas dorëheqjes, Kapedani ka deklaruar se po bëhet “kokë turku” dhe i ka bërë thirrje Inspektoratit të Lartë të Drejtësisë që “të zhvishet nga emocionet”, në raport me të.

Tutje, ajo ka vlerësuar se shijet e saj muzikore “nuk kanë ndikuar në ushtrimin e detyrës” dhe se asnjë nga veprimet e saj nuk lidhej me detyrën zyrtare që ajo ushtron.

Për më tepër, gjyqtarja ka theksuar se ka pasur një agjendë për shkatërrimin e karrierës së saj, mirëpo nuk ka dhënë asnjë adresë për këto akuza.

Procesi ndaj Enkeleda Kapedanit nga Inspektorati i Lartë i Drejtësisë ka nisur në fund të muajit maj, pas raportimit të mediave rreth materialeve që ajo shpërndante në llogarinë e saj në platformën Tik-Tok.

 

Related posts

Foto e rrallë: Ministrja Albulena Haxhiu në ditën e dasmës

dardanianews

Duda Balje zbulon emrin e deputetit kosovar që e tërheq më shumë fizikisht!

dardanianews

Kryeministri Hoti kërkon të hyjë në rend të ditës tërheqja e 10% të Trustit

dardanianews