Ekipi i kombëtares së Spanjës është nisur për në Kosovë, ku do ta luajnë ndeshjen e radhës në kuadër të kualifikimeve për Kampionatin Botëror.
Në një postim në profilin e tyre në Twitter, kombëtarja e Spanjës tha se po nisen për në Prishtinë, por pa e përmendur fare emrin e Kosovës, shtetit ndaj të cilit do të zhvillojnë ndeshje me të drejta të barabarta, shkruan Gazeta Express.
“Nisemi për Prishtinë, për t’u rikthyer me tri pikët”, thuhej ndër tjera në postimin e tyre.
Ndeshja e parë e zhvilluar mes Kosovës dhe Spanjës përfundoi 3:1 për “Furinë e Kuqe”. /Gazeta Express/
