Lidhja Demokratike e Kosovës dhe NISMA Socialdemokrate kanë nënshkruar marrëveshjen e koalicionit për Qeverinë e re të Kosovës.
Krerët e të dy subjekteve politike, Isa Mustafadhe Fatmir Limaj, kanë nënshkruar marrëveshjen e cila përmban 16 pika.
Sipas marrëveshjes, në Qeverinë e udhëhequr nga Avdullah Hoti i LDK-së, NISMA do të ketë pozitën e Zëvendëskryeministrit dhe të dy ministrive.
Ministritë që do t’i drejtojë NISMA në Qeverinë Hoti janë Ministria e Punës dhe Mirëqenies Sociale dhe Ministria e Tregtisë dhe Industrisë, raporton Lajme365.
Skender Reçica nga NISMA do të rimerr mandatin të cilin e kishte ushtruar në Qeverinë e Kosovës nën drejtimin e Ramush Haradinajt duke drejtuar me Ministrinë e Punës dhe të Mirëqenies Sociale.
Postin e Minstrit të Tregtisë dhe Industrisë do ta drejtojë Vesel Krasniqi, kuadër e NISMA-s nga bastioni i kësaj partie, Malisheva. / Lajme365
