Kryesia e Kuvendit të Kosovës ka vendosur që seanca për mocionin, e ngritur nga Lidhja Demokrate e Kosovës për rrëzimin e Qeverisë Kurti, të mbahet nesër me fillim prej orës 11:00.
Burimet e IndeksOnline brenda takimit kanë thënë se shefat e grupeve parlamentare pas debatit të gjatë, u pajtuan që deputetët të njoftohen për mbajtjen e seancës gjatë ditës së neserme, e mërkurë 25 mars.
Mosioni i ngritur nga LDK mbante nënshkrimet e 44 deputetëve ndërsa pro rrëzimit të qeverisë Kurti tashmë janë deklaruar zyrtarish edhe partitë opozitare, PDK, AAK e Nisma./IndeksOnline/
