Analisti Rron Gjinovci ka komentuar letrën që ish-presidenti i vendit, Hashim Thaçi ia ka dërguar sonte kryeministrit të Shqipërisë, Edi Rama.
Gjinovci ka qenë skeptik për përmbajtjen e letrës, duke thënë se ish-presidenti nuk arrin të shkruaj në atë formë, shkruan Gazeta Express.
“Të gjithë e dimë që Thaçi s’din me shkru ashtu. Hajt mos u boni patetik tu pretendu që s’pe dini”, ka shkruar Gjinovci në Facebook.
Thaci në letrën e tij, ndër të tjera, i ka kërkuar Rames që të vazhdojë të kujdeset për Shqipërinë dhe për Kosovën gjithashtu, duke thënë se kur ai kujdeset për Kosovën, kujdeset për shqiptarët.
Ai i ka dëshiruar Ramës suksese në ndërtimin e mëtejmë të shtetit të Shqipërisë dhe ka thënë se nuk ka gabuar asnjëherë në ndërtimin e raporteve mes tyre. /Gazeta Express/
