12.2 C
New York
April 19, 2024
DardaniaNews
FeaturedLajme

Iniciativë për “përjashtimin” e Vjosa Osmanit nga LDK?! Flet Lutfi Haziri

Nënkryetari i LDK-së, Lutfi Haziri ka folur për Gazeta Blic rreth raportimeve se ka nisur iniciativa për përjashtimin e Vjosa Osmanit nga partia.

“Nuk është e vërtetë. E keni shumë të sigurt. Është lajm i rremë”, ka theksuar Haziri për Gazeta Blic.

Edhe zyrtari tjetër i kësaj partie, Haki Rugova ka theksuar për TV Dukagjini se nuk ka iniciativë për përjashtimin e Vjosa Osmanit nga LDK.

Nuk jemi marrë me këtë temë”, ka theksuar ai, raporton Gazeta Blic.

Ishte lideri i LDK-së, Isa Mustafa ai i cili ditë më parē kishte paralajmëruar “hakmarrje” ndaj zyrtarëve të LDK-së që votuan kundër Qeverisë Hoti.

Ndërkaq, vetë Osmani sot i ka reaguar Isa Mustafës.

Duke e komentuar një deklaratë të Isa Mustafës, i cili kishte paralajmëruar masa ndaj Osmanit nga organet e partisë, ajo tha se “edhe Isa Mustafa edhe secili politikan në Kosovë e di një gjë shumë mirë, unë nuk kam nevojë të koordinohem me askënd për qëndrimet që i mbajë”.

“Unë i kam qëndrimet e mia që burojnë nga puna ime me kolegë, me njerëz që vërtetë e dojnë LDK-në, që vërtetë e dojnë Kosovën në këto dy dekada, dhe këto qëndrime kanë qenë gjithnjë të njëjta”, tha ajo raporton Gazeta Blic.

Ajo tha se as Isa Mustafa e askush tjetër nuk mund t’i tregojë asaj se çfarë qëndrime të mbajë për tema të caktuara politike.

Madje ajo ka thënë para gazetarëve e ka sfiduar Isa Mustafën, duke thënë që ai t’i tregoj se cilat qëndrime i ka ndërruar ajo nga ato që i ka thënë para zgjedhjeve të 6 tetorit.

 

 

Related posts

Djali i Çun Lajçit ther veten me thikë dhe kanos prindërit, aktori e denoncon për dhunë në familje

dardanianews

Momenti kur aligatori kafshon punëtoren e kopshtit zoologjik në sy të fëmijëve

dardanianews

Ramush Tahiri propozon tri vendime për LDK-në, pyet cili është më i drejti?

dardanianews