23 C
New York
September 24, 2021
DardaniaNews
Featured Lajme

“Kam shtënë tri herë në fytyrën e tij”, rrëfimi i njeriut që e vrau Bin Ladenin: Sapo ishim kthyer nga Kosova kur…

Robert O’Neill, ushtari amerikan që vrau Osama Bin Ladenin, shefin e rrjetit terrorist të al-Qaida-s kishte shërbyer në Kosovë.

Ai në një intervistë për mediumin zviceran Tages Anzeiger ka treguar se kur ishte ftuar për të marrë pjesë në aksion për ta vrarë Bin Ladenin, ishte me një trajnim në Gjermani, pasi kishte përfunduar mision në Kosovë.

“Kam qenë në Stuttgart. Në Navy Seals (ushtarët elitarë) sapo e kishim përfunduar angazhimin në Kosovë dhe tani trajnonim bashkë me njësi speciale të vendeve aleate”.

O’Neill, ka folur edhe për momentin e vrasjes së Bin Ladenit, duke treguar se me kënd ishte i fshehur ish terroristi më i kërkuar në botë.

Kur kam shtënë ndaj tij, ai ende ishte në këmbë. Duart i mbante mbi supet e Amal bin Ladenit, gruas më të re të tij prej katër bashkëshorteve që kishte, dhe ai paraqiste kërcënim për ne”, ka thënë O’Neill.

Image
Ishte gjallë, qëndronte në këmbë dhe paraqiste rrezik. Atëherë unë kam shtënë tri herë ndaj tij. Në fytyrë”.

sh-ushtari amerikan thekson se ishte e pa mundur që mos vritej Bin Ladeni.

“Ai kishte më pak se një sekondë për të na bindur që të mos e vrisnim. Nëse ai do të kishte ngritur duart dhe këmishën dhe pa jelek eksploziv poshtë, do ta kishim arrestuar”, ka potencuar ai.

Sulmi ndaj Kullave Binjake ishte kryer më 11 shtator 2001 nga një grup prej 19 vetash rrëmbyes radikalë, 15 prej të cilëve ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani.

Në sulmin e 11 Shtatorit humbën jetën rreth 3 mijë persona.

Në mesin e viktimave ishin 2.752 persona, prej tyre 343 zjarrfikës dhe 60 policë. Shumica prej viktimave ishin civilë të 70 kombësive të ndryshme.

Related posts

Ja kur munden qytetarët t’i tërheqin 10 për qind të kursimeve nga Trusti

dardanianews

Avokati Halilaj pyet Lushtakun: Ku i dërgove 1 milion e 400 mijë marka që i more në Tërdec të Drenasit

dardanianews

Vendimi i Shtetit: Mbyllen lokalet, kafiteritë, kompanitë private…

dardanianews