13.6 C
New York
April 13, 2024
DardaniaNews
FeaturedShëndetësi

Kosovarët krijojnë ventilatorin për frymëmarrje, nesër testohet

Kompania kosovare “Formon” ka krijuar ventilatorin për frymëmarrje dhe nesër do të testohet prototipi, ka bërë të ditur për KOHËN, Rron Cena, drejtor i kësaj kompanie.

Ventilatori është i domosdoshëm për raste urgjente te pacientët që kanë probleme me frymëmarrje, e në këtë kohë vendit mund t’i hyjë në punë, pasi edhe koronavirusi shpesh shkakton telashe të tilla.

Ventilatori është emërtuar “VentCore”.

“VentCore është respirator i thjeshtë, i cili përdor BVM (bag-valve-mask) për të ndihmuar pacientët e infektuar me COVID-19 me frymëmarrje. Sipas hulumtimeve që kemi bërë, mungesa e pajisjeve të tilla nëpër spitale anembanë botës, ka qenë një prej shkaktarëve të shume vdekjeve nga ky virus. Për atë arsye jemi fokusuar për me e kriju një pajisje me dizajn të hapur dhe qe prodhohet shpejtë edhe thjeshtë”, ka thënë Cena për KOHËN.

Ventilatori, sipas një komunikate nga Innovation Centre Kosovo, është pajisje lehtë e prodhueshme, përfshirë edhe pjesët të cilat mund të prodhohen me printerët 3D nga “Formon”.

“Ventilatori do të hyjë në prodhim, menjëherë pas testimit”, thuhet në njoftimin e ICK-së./koha.net/

Related posts

Dy burra raportojnë ne polici se iu kanë humbur gratë e tyre

dardanianews

Lëshohet gazlotsjellës në koncertin e Bregoviqit

dardanianews

Fotografia prekëse e luftës në Kosovë ka pushtuar botën: 30 orë ecje me vëllanë e vogël në krahë

dardanianews