April 19, 2024
DardaniaNews
FeaturedLajme

Milaim Zeka flet për disa përgjime të EULEX-it: Ish-deputeti s’e la dashnoren ta raportonte vjedhjen në Polici

Analisti Milaim Zeka e ka quajtur skandal të madh faktin që deputeti i Lëvizjes Vetëvendosje, Mirsad Shkreta i kishte 50 mijë euro ‘cash’ në shtëpi, për të cilat raportoi së fundi se i janë vjedhur.

Zeka në T7 tha se e kishte dëgjuar një përgjim të EULEX-it dikur, ku një ish-deputet, sipas tij, nuk e kishte lejuar dashnoren e tij që ta raportonte në Polici një rast vjedhjeje. Nga ky ish-deputet, Zeka thotë se Shkreta “s’ka marrë mësim”.

“Deshta me shkru lidhur me këtë gjarje. Unë e kam dëgjuar në përgjime telefonike të EULEX-it një deputet të një partie tjetër përpara – po thash ky i shkreti, ky Shkreta qysh s’ka marrë mësim prej qatij X deputetit, por me emër nuk po flas. Ky e lë një shumë shumë të madhe të parave te dashnorja e vet. Kjo dashnorja e tij është artiste dhe këngëtare e njohur. Edhe tash hynë hajnat dhe ia vjedhin paratë. Edhe kjo e merr në telefon këtë personin, i thotë na i kanë vjedhë paratë, po shkoj me e lajmëru rastin në Polici. Ky i thotë mos gabo, leje me kaq se t’pyesin ku i ke marrë, kush t’i ka dhënë, etj”, tha ai.

Sipas Milaim Zekës, deputeti Mirsad Shkreta do të duhej të jepte dorëheqje.

“Unë mendoj që ai për me qenë pak më i qetë, do të ishte mirë të tërhiqej nga posti i deputetit dhe mirë do të ishte ta vazhdonte profesionin e vet”, tha ai.

Related posts

Kryeministri izraelit të martën u drejtohet me video-mesazh popullit të Kosovës – A do ta shpallë njohjen nga Izraeli?

dardanianews

Serbia nis tërheqjen e trupave ushtarake nga kufiri me Kosovën

dardanianews

Pritje vëllazërore, Erion Veliaj mirëpret Përparim Ramën me ceremoni zyrtare në Tiranë

dardanianews