Mitrovicasi Xhavit Beqiri sot ka bërë një veprim të mirë, pasi që ia ka kthyer në posedim qytetares serbe telefonin e gjetur në lagjjen e Boshnjakëve në veri të Mitrovicës
“SiÇ jemi edukuar nga nënat shqiptare veprova duke e kontaktuar dhe dhuruar telefonin dhe simbolin e arit që ishte mrapa tij”, ka thënë ai, transmeton VeriuInfo.
Postimi i tij:
Sot më erdhi rasti edhe njëhere ti dëshmoj vlerat e popullit shqiptar. Në lagjen e Boshnjakëve gjeta këtë telefon me një simbol fetar ortodoks, mirëpo siq jemi edukuar nga nënat shqiptare veprova duke e kontaktuar dhe dhuruar telefonin dhe simbolin e arit që ishte mrapa tij.
Në fotografi është pronaria qytetare serbe, ajo është habitur nga mirësia jonë. Falenderimet e saj ishin tepër vullnetmire, pra kështu trajtohet gjësendi i huaj me dinjitet!