Janë konfirmuar 170.442 raste të infektuara me virusin Covid-19 në botë.
Sipas statistikave në uebsajtin worldometers.info, ku po përditësohet vazhdimisht numri i të infektuarve në të gjitha vendet e botës, numri i të vdekurve ka shkuar në 6.526, ndërsa nga ana tjetër po rritet edhe numri i atyre që po shërohen nga sëmundja e cilësuar si pandemi.
Në publikimet më të fundit me statistika raportohet për 77.790 persona të shëruar nga Covid-19, i njohur si koronavirus.
Vendi me numrin më të madh të të infektuarve është Kina, nga ku e ka origjinën virusi i shpërndarë në të gjithë botën.
Pas saj vjen Italia me 24.747 raste të infektuar e me 1809 viktima. /Express/
