Sektori i turizmit në Shqipëri u përball me sfida të papritura këtë vit…
Sipas të dhënave nga INSTAT, Shqipëria ka humbur rreth 121,000 turistë nga Kosova në periudhën janar–korrik 2025.
Përqindja e rënies është rreth 5% në këtë periudhë dhe 6% vetëm në korrik.
Ekspertët e ekonomisë paralajmërojnë se kombinimi i çmimeve të larta, infrastrukturës së dobët dhe praktikave informale të çmimeve po dekurajojnë vizitorët, veçanërisht ata nga Kosova. Resortet bregdetare në jug kanë parë rritje çmimesh me 12–20%, duke i shtyrë shumë udhëtarë të kërkojnë destinacione të tjera.
Tendencat e vizitorëve (Janar–Korrik 2025):
Kosova: –5% në total, –6% vetëm në korrik
Italia: +4.5% (nga +47% vitin e kaluar)
Maqedonia e Veriut: +11.3%
Serbia: +16% Janar–Korrik, +28% në korrik
Franca: +47%, Gjermania: +27%
Ekspertët theksojnë se rritja e çmimeve në Shqipëri është arsyeja kryesore e rënies.
