Pas reagimeve të shumta që mori lidhur me deklaratën e saj për nënën e ish’kryeministrit Ramush Haradinaj, deputetja e LVV’së, Fitore Pacolli ka thënë se nuk e ka fyer askënd vetëm e ka thënë të vërtetën, raporton Gazeta Express.
Pacolli përmes një shkrimi në Facebook thotë se ka treguar se si është udhëhequr vendi tash e 20 vite e nuk është investuar asgjë për përmirësimin e kushteve në spitalet e Kosovës.
“Unë nuk kam fyer nënën e askujt. Kam treguar sesi ata që kanë udhëhequr me vendin nuk kanë investuar asnjë cent në përmirësimin e kushteve në spitalet tona ku të gjitha nënat e sidomos nënat e dëshmorëve e të zhdukurve, që sot jetojnë në varfëri të skajshme e që nuk kanë pasur rastin të kenë ndonjë djalë/vajzë president/ministër e kryeministër, të kenë një vend ku mjekohen e trajtohen me dinjitet në vendin për të cilën flijuan fëmijët e tyre.
Kam thënë sesi ata që kanë udhëhequr këtë vend për 20 vjet ua kanë mohuar të drejtën e shkollimit cilësor fëmijëve të dëshmorëve e veteranëve të vërtetë që sakrifikuan për këtë vend.
Ata që kanë udhëhequr me vendin për 20 vjet na kanë fyer të gjithëve”, ka deklaruar ajo./GazetaExpress/
Për 20 vjet me radhë në emër të luftës e në emër të dëshmoreve/dëshmorëve kemi lejuar që:· të na e vjedhin…
Posted by Fitore Pacolli on Thursday, April 16, 2020
