Mashtrimet nga militantët e Vetëvendosjes po vazhdojnë të shënojnë rritje dhe nuk po stopohen nga këta të fundit, e fundit është kjo me fondin që ka formuar Qeveria për ndihma me të holla nga diaspora jonë e dashur.
Para pak ditësh u raportua se mërgimtari Luan Zuka dhuroi 50 mijë euro për Kosovën si ndihmë ndaj koronavirusit, madje u raportua se edhe djali i tij, Liridon Zuka dhuroi 70 mijë euro.
U publikuan foto në disa prej grupe të militantëve të Vetëvendosjes si lajm për përkrahje të madhe ndaj fondit të Qeverisë Kurti, por kjo e gjitha po del të jetë e pavërtetë dhe gënjeshtër e përdorur për qëllime personale.
Luan Zuka është lajmëruar dhe ka thënë se as ai nuk i ka dërguar 50 mijë euro e as i biri tij i tij Liridon Zuka nuk i ka dërguar 70 mijë euro.
Zuka ka thënë se nuk ka dërguar para dhe se emri i tij është keqpërdorur.
”Nuk kam dërguar para as unë e as biri im. Është duke u keqpërdorur emri im dhe familjes sime. Janë manipulime” u shpreh Zuka për Gazetën NewBorn.
Kujtojmë se emri i tij dhe familjes së tij Zuka po keqpërdoret për fabrikime të lajmeve të rreme.
