Rusët kanë përjetuar në lëkurën e tyre një ndër sulmet më të fuqishme që ka realizuar Ukraina.
Këta të fundit kanë sulmuar brenda territorit rus katër objektiva të ndryshme.
Së pari, një rafineri nafte u sulmua në rajonin Krasnodarsky. Sulmi me dron shkaktoi zjarr të madh.
Gjithashtu edhe kryeqyteti rus, Moska është në zjarr. Një pallat gjashtëkatësh është në flakë. Sipërfaqja e zjarrit ka arritur në 4000 metra katrorë. Ende nuk raportohet për viktima. Për shuarjen e zjarrit është përfshirë edhe aviacioni.
Një zjarr i rëndë ka shpërthyer edhe në rajonin e Permit për shkak të një shpërthimi në një tubacion gazi, raportojnë mediat ruse.
Në vendbanimin Kueda u dogjën tanke hekurudhore. Zjarri tashmë ka nisur të përhapet edhe në banesa. Sipas të dhënave paraprake ka viktima.
Ndryshe, Ukraina kohët e fundit ka nisur të sulmojë objektiva brenda Rusisë si kundërpërgjigje ndaj pushtimit, i cili po hyn në vitin e tretë. /Telegrafi/
/Telegrafi/
