Alban Krasniqi, burri i ministres së Drejtësisë, Albulena Haxhiu ka reaguar pas deklaratës së Drejtorit të KDI-së, Ismet Kryeziu, që sipas Krasniqit, doli në krahë të presidentit Thaçi.
Krasniqi konsideron se kjo është interesante, pasi sipas tij, para dy javësh foli edhe Kadri Kryeziu familjari i Ismetit, ish-përfaqësuesi i AAK-PDK-së në kushtetuese.
Ja shkrimi i tij:
Pas Isës dhe PANit tani edhe Ismeti me logo të KDI-së i paska dalë krahë Thaçit.
Interesant, që para dy javësh foli edhe Kadri Kryeziu familjari i tij, ish përfaqësuesi i AAKPDKsë në kushtetuese.
Dhe nga përmbajtja po duket sikur letra e Ismetit me logo të KDIsë është inspiruar nga intervista e Kadrisë e mbase edhe nga ndejat e përbashkëta të tyre duke pirë çaj rusi në lagjen Arbana të Prizrenit në njërin nga sallonet e shtëpive të tyre luksoze.
