Sot është organizuar një “provë” për protestë në sheshin Skënderbeu afër qeverisë së Kosovës.
Kjo “provë”, për protestë është organizuar nga Lëvizja Vetëvendosje gjë që është konfirmuar edhe nga aktivisti i kësaj partie, Valdrin Ahmeti i cili ka paralajmëruar se do të rritet numri deri në 1500 ditët e ardhshme, shkruan lajmi.net.
Por, një qytetar pjesëmarrës në këtë protestë ka treguar se për t’iu bashkangjitur protestës iu kanë ofruar 5 euro.
I njëjti ka rrëfyer se një person me çantë ushtrie i ka thënë se do t’i marrë 5 euro nëse proteston në shesh, para të cilat nuk i ka marrë më pastaj.
“Më kanë nalë, më thanë a po don me protestu për Albin Kurtin, iu thash a marr najsen bonus, më thanë po i merr 5 euro, një djal me një çantë të KFOR-it, i kam videot në protestë, unë hina në pikë të kuqe, paret nuk na i dhanë, veç na kanë drejtuar kah jemi ardhur, askush s’na ka tregu që duhet në zyre me ardh me i marrë paret”, tha qytetari.
Video e cila po çarkullon në rrjetet sociale është siguruar edhe nga Lajmi.net, më poshtë mund ta ndiqni të plotë:
