21.3 C
New York
June 28, 2022
DardaniaNews
Featured Lajme

Contour Global heq dorë nga ndërtimi i Kosovës së Re, e fajëson Albin Kurtin

Kompania Contour Global ka planifikuar të tërhiqet nga planet për ndërtimin e Termocentralit “Kosova e Re” me kapacitet 500 megavatë, raporton agjencia e lajmeve Reuters.

Siç raporton Reuters, sipas një njoftimi të Contour Global, arsye për këtë është situata politike në Kosovë që nga muaji korrik dhe formimi i Qeverisë Kurti, e cila e ka kundërshtuar publikisht ndërtimin e Termocentralit “Kosova e Re”.

“Projekti Kosova e Re nuk mund të ecë përpara. Situata politike në Kosovë që nga korriku, formimi i një qeverie të udhëhequr nga një kryeministër që e kundërshtoi publikisht projektin dhe mosveprimi i qeverisë e kanë bërë të pamundur që projekti t’i përmbushë detyrimet e kërkuara”, thuhet në një njoftim për media nga Contour Global.

Qeveria e Kosovës ka nënshkruar në fund të vitit 2017 marrëveshjen komerciale me kompaninë amerikane Contour Global për ndërtimin e Termocentralit Kosova e Re me kapacitet 500 megavat, i cili do të kushtonte 1.3 miliard euro.
Ndërtimi i Termocentralit Kosova e Re është kundërshtuar në vazhdimësi nga përfaqësues të shoqërisë civile, të cilët e konsiderojnë si projekt të dëmshëm për mjedisin dhe thonë se do të çonte në rritje të çmimit të rrymës për qytetarët.

Termocentrali Kosova e Re ishte paraparë të fillojë së ndërtuari këtë vit, ndërsa të vihet në punë në vitin 2023.
Një hulumtim i medias muajin e kaluar, dëshmon se si termocentrali “Kosova e Re”, sipas zyrtarëve të lartë amerikanë është interes politik i parandalimit të ndikimit rus në Ballkan.

Kosova konsiderohet si vija ndarëse ndërmjet lindjes dhe perëndimit. Për Shtetet e Bashkuara të Amerikës, ekziston rreziku i shtrirjes së ndikimit rus në Kosovë përmes investimeve në energji.

Kjo temë është ngritur edhe në Senatin e Shteteve të Bashkuara të Amerikës në tetorin e vitit të kaluar.

Related posts

“Big Brother VIP” rikthehet përsëri këtë muaj, ja surpriza që ka përgatitur produksioni

dardanianews

Dhjetë gjuhët më të vjetra në botë që fliten edhe sot

dardanianews

Presidenti i Turqisë, Recep Tayipp Erdogan ka thënë se ky shtet do ta mbështes anëtarësimin e Kosovës në NATO, shkruan Gazeta Express

dardanianews