Ministri në detyrë i MPJ-së, Glauk Konjufca, ka marrë vendim që ta shkarkoj nga detyra edhe motrën e gruas së ish-komandantit të UÇK-së, Sylejman Selimit, vetëm dy ditë pasi ajo e kishte kritikuar, kryeministrin në detyrë,Albin Kurtin.
Fshesës së ministrit në detyrë të MPJ-së, Glauk Konjufcës, nuk i kanë shpëtuar as familjarët e ish-komandantit të UÇK-së, Sylejman Selimit e cila ishte pjesë e stafit diplomatik të Ambasadës së Kosovës në Holandë.
Ky veprim nga shefi i diplomacisë, vjen pasi që gruaja e Sylejman Selimit, kishte kritikuar kryeministrin në detyrë, Albin Kurtin.
“Ti nuk ishe për ndryshim. Ti nise ta luash rolin e perëndisë’, kishte shkruar Kimete Selimi dy ditë më parë, shkruan gazeta metro.
Yllka Gecit, e cila është motra e bashkëshortes së Sylejman Selimit, që si staf diplomatik ishte pjesë e Ambasadës së Kosovës në Holandë, i ka shkuar tashmë vendimi i Konjufcës për t’u kthyer në fund të qershorit.
