5 C
New York
April 22, 2021
DardaniaNews
Featured Lajme

Ekskluzive: Lista Serbe përkrah rrëzimin e Qeverisë së Hotit, vendi drejt zgjedhjeve

Qeveria e Hotit duket se i ka ditët e numëruara. Shefi i Grupit parlamentar të LDK-së, Arben Gashi sot në një konferencë ka akuzuar partnerin qeverisës, Listën Serbe.

Gashi ka thënë ndër të tjera se Lista Serbe po sillet si opozitë dhe i ka ftuar ata që të marrin pjesë në seancat e Kuvendit.

Indeksonline ka kontaktuar Igor Simiqin nga Lista Serbe, i cili i ka dhënë “goditjen” e radhës Qeverisë së Hotit.

Për Indeksonline, Simiqi ka thënë se Qeveria nuk po respekton marrëveshjen e koalicionit dhe për këtë arsye me shumë gjasa, do ta rrëzojmë Qeverinë e Hotit.

“Lista Serbe, përkatësisht deputetët, nuk morën pjesë në punën e Kuvendit sot dhe nuk do të marrin pjesë as në të ardhmen, sepse nuk po respektohet marrëveshja e koalicionit të cilën e kemi të nënshkruar. Ne kemi treguar në mënyrë të përsëritur dhe me konstruktivitet angazhimin tonë për të vepruar në përputhje me interesat e të gjithë qytetarëve.

Ne jemi pro interesit të qytetarëve, jemi pro zhvillimit ekonomik, dhe pro luftës ndaj pandemisë. Por, paraprakisht duhet të respektohemi si partner qeverisës. Ne e kemi marrëveshjen e nënshkruar në tavolinë dhe kërkojmë që ajo të respektohet. Për shkak të qëndrimeve ndaj Listës Serbe ne jemi duke menduar seriozisht largimin nga Qeveria”, i ka thënë Simiqi Indeksonlinet.

 

Related posts

Kamishi përfshihet në përleshje fizike në ndeshje futbolli në Mitrovicë

dardanianews

Thirrja e rrezikshme e Gani Kocit, kundër Kurtit, Osmanit dhe shumë personaliteteve tjera, a është ky kërcënimi më i fuqishëm i bërë haptas?

dardanianews

Juristja më seksi shqiptare provokon me një pozë të zjarrtë nga………shtr…

dardanianews