2.9 C
New York
April 22, 2021
DardaniaNews
Featured Lajme

Nisma ia bllokon gurthyesin Haxhi Shalës, e kishte djalin aksionar

Ish-deputeti i NISMA-s Socialdemokrate, Haxhi Shala, ditë më parë la këtë parti për të kaluar në AAK-në e Ramush Haradinajt.

E me vete mori edhe shumë anëtarë të tjerë nga partia e Fatmir Limajt.

Por, si duket, tashmë ish-partia ka filluar t’i hakmerret Shalës.

Komuna e Malishevës e udhëhequr nga NISMA dhe Ragip Begaj, i kanë ndërprerë punën gurëthyesit, “Ylli Mineral” ku një nga aksionarët është djali i Haxhi Shalës, Edmondi.

Ky vendim erdhi pas peticionit të banorëve të fshatit Bellanicë.

“Banorët e fshatit Bellanicë, kanë bërë peticion me shkrim me datë 18.12.2019 për të kundërshtuar të njëjtin veprim të drejtorisë për urbanizëm, përkatësisht subjektit juridik “Ylli Mineral”. Bazuar në procedurat ligjore, peticioni i banorëve të fshatit Bellanicë, është trajtuar në Kuvendin e Komunës së Malishevës, ndërsa i njëjti organ ka nxjerr vendimin me datë 10.01.2020, me të cilin i ka pezulluar të gjitha pëlqimet e lëshuara nga organet kompetente të KK-Malishevës”. Me vendimin e lartëcekur, pika 2 e këtij vendimi, organ i vetëm që ka kompetencë për dhënien e pëlqimeve për operimin e gurëthyesve, në territorin e komunës së Malishedvës, andaj bazuar në vendimin e KK-Malishevës, ky organ vendosi që të anulojë pëlqimin e dhënë nga kjo drejtori me datë 18.07.2019”, thuhet në arsyetimin e vendimit të nënshkruar nga drejtori i Drejtorisë së Urbanizmit Ahmet Morina.

Gazeta Infokus ka biseduar edhe me përfaqësuesin e kompanisë “Ylli Mineral”, Naim Cakiqi.

I njëjti ka thënë që ky vendim i komunës së Malishevës nuk është fer dhe se do të ankohen, megjithatë, nuk pranoi që tash ta quaj vendimin politik.

Cakiqi tha që ende nuk i ka marrë dokumentet për anulimin e pëlqimit.

“Ky vendim është i paarsyeshëm, komisioni për miniera dhe minerare, më ka njoftuar që ka ardhë një dokument i tillë e arsyetimi i komunës po na duket që nuk është fer, pasi po bëhet veç ndaj biznesit tonë. Por, sipas të gjitha gjasave, ne do të bëjmë ankesë”, ka thënë Cakiqi për Infokus.

Related posts

Komentatori skandaloz, Kosta Grillo: Jam me Zvezdën, tifozët e Tiranës janë kundër Edi Ramës

dardanianews

MORENA SHFAQET NË BIKINI DHE SËRISH E PËRMEND LOKACIONIN

dardanianews

Flasin nga aeroporti, tregojnë se deri kur do të jenë të pezulluara fluturimet

dardanianews