Presidenti amerikan Joe Biden ka thënë se vendimi për tërheqjen e pranisë ushtarake nuk vlen vetëm për Afganistanin, por edhe për vendet e tjera.
Ai përmes një postimi në Twitter bëri me dije se po përfundon epoka e operacioneve ushtarake për të ribërë vendet e tjera, njofton Klan Kosova.
“Ky vendim për Afganistanin nuk ka të bëjë vetëm me Afganistanin. Bëhet fjalë për përfundimin e një epoke të operacioneve të mëdha ushtarake për të ribërë vendet e tjera”.
SHBA është e pranishme ushtarakisht edhe në Kosovë në kuadër të misionit paqeruajtës të KFOR-it. Kampi Bondsteel është baza kryesore e ushtrisë amerikane në Kosovë nën komandën e KFOR-it dhe është më e madhja në Ballkan.
